السلام عليكم


امس  بدأت عن انواع البشرة و شرحت كل نوع 

اليوم راح ابدء في الجزء الثاني 

                        اللي هو كيف تعرفي نوع بشرتك 
































في الصورة اللون الازرق معناته الدهون او الزيوت او اللمعه اللي تظهر في البشرة 


اسهل طريقة لمعرفة نوع بشرتك 
هي طريقة الاستيقاظ من النوم 

يعني بعد ما تصحي من النوم وقبل غسل وجهك 

خذي منديل و حطيه على وجهك بالضغط ... اذا لاحظتي المنديل كله فيه شي زي الدهون  

معناته بشرتك ( دهنية )

و اذا لاحظتي انه الدهون في اماكن معينة من المنديل معناته (مختلطة )

اذا صحيتي ( استيقظتي ) من النوم و حسيتي او شعرتي انه بشرتك مشدودة معناته ( جافة )
و اذا صحيتي ( استيقظتي ) من النوم و بشرتك ما فيها دهون او مشدودة معناته ( عادية )



بالنسبة للبشرة الدهنية و المختلطة تقدري تعرفي نوعها من غير مناديل

بعد ما تصحي من النوم و قبل غسل وجهك اوقفي قدام المرايا اذا شفتي وجهك يلمع معناته ( دهنية )

و اذا شفتي منطقة التي زون [ الجبهة و الانف و الذقن ] فيه لمعة معناته ( مختلطة )


بالنسبة للبشرة المختلطة : 

مو لازم تكون نصها دهنية و النصف الاخر جافة او عادية 

اليوم وصلتني رسالة في الدايركت في حسابي الانستقرام قالت قرأت الجزء الاول من انواع البشرات اللي اوصف فيه كل بشرة

وقالت انه بشرتها بعد عمل ماسك او وضع مستحضرات تجميلية 
انه منطقة التي زون تصير جافة او فيها قشور و باقي المناطق تحمر او فيها تهيج

معناته بشرتها مختلطة >>> بس مختلطة ايش 👈 جافة و حساسة ولازم تستخدم منتجات طبية خالية من الكحول و العطور 


و خلصت الجزء الثاني .... باقي الجزء الاخير وهو كيف تعتني ببشرتك و كيف تختاري المنتجات المناسبة و المخصصه لكل نوع .

انا اكتب باللغة العامية معرف اكتب بلغة ثانية يعني البنات اللي من الدول الثانية او مناطق ثانية اتمنى طريقتي تكون مفهومة 👀


وسلامتكم ❤




>>>> يتبع