السلام عليكم
و صباح الخير
و رجعت للمدونة بعد انقطاع
بما انه الشتاء بدأ حبيت اكتب عن مرطبات مختلفة و متنوعه للبشرة طبية و ترطيبها حلو و ما تسمر البشرة
طبعا ترطيب البشرة شي مهم اول شي تحمي بشرتك من الجفاف و بالتالي تمنعي ظهور القشرة و كمان الترطيب يمنع التجاعيد و الاسمرار و خصاصا في هذه الفتره لازم تهتمي بالترطيب
اهم شي تختاري الكريم اللي يناسبك
طيب ايش هو المرطب الطبي :
هو مرطب خالي من الكحول و العطور ما تهيج البشرة
شخصيا اكثر من مره قلت اني افضل المرطب الطبي للبشرة عشان اتفادى الاسمرار
اول شي راح اقولكم نوع بشرتي عشان لما اوصف كل كريم المعلومة او الوصف يوصلكم من غير تعقيد
بشرتي مختلطة في الصيف تصير مايلة للدهنية , و في الشتاء مايلة للجافة
يلا نبدأ بالكريمات او المرطبات اللي جربتها لحد الان
كريم سيتافيل :
هذا الكريم طبي خالي من الكحول و العطور
البشرة تمتصه بسرعة و ترطيبه حلو يناسب البشرة المختلطة و الجافة و الحساسة
هذا اللي استخدمه هذه الفتره اخذ منه نقطة صغيرة و اوزعه على وجهي
سعره بحدود 70 او 80 ريال
كريم كيوفي :
كريم ترطيبه عميق جدا يفضل لليوم الثاني البشرة تمتصه بعد 4 دقايق
خالي من الكحول و العطور يناسب البشرة الجافة و الحساسو فقط و البشرة المختلطة و الدهنية مراح تحبه عشان ترطيبه عميق
سعره : 70 ريال
كريم بيبانثين الازرق
هذا الكريم البشرة تمتصه بسرعه قوامه خفيف و ما يدهن البشرة
خالي من الكحول و العطور و يناسب البشرة الدهنية و المختلطة و الحساسة
سعره : 13 ريال
مرطب acm
كريم مرطب يناسب جميع البشرات بما فيهم الحساسة
خالي من الكحول بالنسبة للعطور هو فيه ريحة بس تختفي في ثواني يعني مقدر اقول انه خالي من العطور
البشرة تمتصه بسرعه
هذه كريمات الوجه اللي انصحكم بتجربتها شوفي النوع اللي يناسب بشرتك و استخدميه
و هذه كانت تدوينة اليوم
و سلامتكم ❤
