مرحبا مره ثانية ☺🙋


بسبب كثره الطلب في الانستقرام عن كيف تعرفي نوعية بشرتك راح اكتب لكم عن ابسط و اسهل طريقة عشان عرفي نوعية بشرتك 

راح تكون مقسمة لي ثلاثة اجزاء / الجزء الاول وصف البشرات / الثاني كيف تعرفي نوعية بشرتك / الجزء الاخير كيف تهتمي فيها و تختاري المنتجات اللي تناسبك 



يعني بعد قرأتك للمواضيع   تقدري تحديدي و تستخدمي المنتجات اللي تناسب نوعية بشرتك 


( الجزء الاول ) 

انواع البشرات مع شرح كل نوع 

















البشرة لها خمسه انواع 

كل نوع راح اشرحه لكم بطريقة مبسطة 

النوع الاول رقم (1)

البشرة الحساسة :
هي اللي تتهيج و تحمر دائما او عند استخدام منتجات تجميلية او ميك اب
و كمان الشعور بالكحة و الجفاف 

و كمان الاحساس بالالم و الحرقان في معظم الاحيان 😰😧

النوع الثاني رقم ( 2 )

البشرة المختلطة :

المختلطة عبارة عن نوعين يعني 2 في 1
منطقة التي زون اللي هي ( الجبهة , الانف , الذق ) دائما تكون دهنية وفيها دهون و بعض الاحيان منطقة الانف تكون فيها رؤوس سوداء و مسام بسبب الدهون >>> ركزو على كلمه بعض الاحيان يعني مو كل بشرة مختلطة فيها رؤوس سوداء و مسام 

و منطقة الحدود و مرات حولين الفم تكون اما جافة او عادية >> لما اكتب عن البشرة الجافة و العادية انتي شوفي بشرتك مختلطة لي اي نوع


النوع الثالث رقم ( 3 )

البشرة الدهنية :

هي اكثر البشرات عذابا و متعبة للبنات 
هذه النوعية من البشرات دائما مدهنة حتى لو غسلتي وجهك و فيها لمعه و اكثرها تعرضا للحبوب و حب الشباب و ظهور المسام و الرؤوس السوداء😤

يعني الشي الوحيد الايجابي في البشرة الدهنية ! صاحبات هذه البشرة دائما شباب و قليلة التجاعيد بسبب الدهون الكثيرة 😉😀

النوع الرابع رقم ( 4 ) 

البشرة الجافة :

هذه كمان من البشرات المتعبة اذا ما عرفتي كيف تتعاملي معها 
نوعية هذه البشرة دائما مشدودة و تشعرني انها جافة و محتاجة مرطب في كل الاوقات و معظم الاحيان تطلع قشور للبشرة وفي الشتاء البعض يحس بالالم  او حتى تنزف و تتقشر من كثر الجفاف

و بصراحة بسبب الجفاف فهذه البشرة معرضة للتاجيد اكثر شي


النوع الخامس رقم ( 5 )

البشرة العادية :

هذه البشرة الوحيدة المرتاحة 😶
اممممم مدري كيف اوصفها بس هي مو جافة ولا دهنية بس اكيد محتاجة عناية بس غير متعبة



و انتهيت من الجزء الاول 

>>>>  يتبع