حطيت لكم في الصورة الشوفان واحد مطحون و الثاني غير مطحون



...( فوائد الشوفان ) ...


يفتح لون البشرة و يعطي نضارة .
يقشر البشرة و ينظف المسام تنظيف عميق .
يخفف الرؤوس السوداء .
يزيل اثار التعب و الإرهاق .
ينعم و يصفي البشرة .
يخفف من دهون البشرة .



... ( خلطات مختلفة بالشوفان ) ...


اول خلطة من الخلطات المفضلة عندي و دايما اعملها : 

ملعقة زبادي ( روب ) 

 ملعقة شوفان مطحون 

 ملعقة موية ورد و نشاء 

 ملعقة عصير ليمون ( للبشرة الدهنية ) او  زيت لوز او جوز الهند او زيتون او ارغان ( للبشرة الجافة ) 

اخلطيهم كويس و حطيه على بشرة نظيفة لمده ٢٠ دقيقة و اغسليه .... هذا الماسك تقدري تسخدميه يومي او ثلاثة مرات في الاسبوع ..

• فايدته : توحيد لون البشرة و تنعيمها و إعطاء نضارة .



خلطة ثانية للنضارة :

 عصير الخيار ( اخلطي خيارة في الخلاط لحد ما يصير عصير ) و خذي منه ربع فنجان من العصير وملعقتين من  الشوفان الغير مطحون و انتظري خمسه دقايق لحد ما يتشربه الشوفان 

 و حطيه على وجهك لمده ١٥ دقيقة و بعدين دلكيه راح يطّلع معك و بعده اغسلي وجهك .



اخر خلطة هي مقشر الشوفان بالخميرة :

 خذي ربع ملعقة كبيرة خميرة

 و ملعقة من موية الورد و عصير ليمون اخلطيهم لحاله لحد ما يصير مزيج واحد ...

 بعده ضيفي له ملعقة زبادي و شوفان مطحون

 اخلطيهم كويس و حطيه ع بشرتك لحد ما يجف

 و بعدين ابدئي افركي بيدك لحد ما كل المقشر ينزل 

و بعده اغسلي وجهك

 و مريري ثلجة او مويه ورد باردة او تونر بارد عشان يقفل المسام و بعده رطبي .

• فايدة المقشر :

 تقشير البشرة و ازالة الجلد الميت
ازالة الرؤوس السوداء ، تنظيف عميق للمسام ... 

يستخدم مره وحده في الاسبوع .



( اللي تقول الخميرة تنفخ او تسبب مسام ، لاحظي كميه الخميرة قليلة جدا بالنسبة المكونات الثانية يعني هي بس عشان تزيل الرؤوس و تنظيف المسام )