مشترياتي من موقع ايهرب + تجربتي مع الخاصية الجديدة في الموقع ( الدفع عند الاستلام )
موقع ايهرب 9:27 ص
هذه اول مره راح اكتب عن مشترياتي من ايهرب دائما اطلب من الموقع و ما اصورهم اظن كسل مني لأنه منتجاتي اللي دايما اشتريها معروفة مافي شي غريب زي شراء الوجبات من عندهم عشان اقول تجربتي بس السنة هذه ناويه اطلب بعض السناك و ان شاء الله اقول رأيي عنهم
المهم من شهر مدري شهرين موقع ايهرب صار عندهم خاصية الدفع عن الاستلام و بما اني مرات احب اجرب المواقع زي في مواضيعي القديمة للمدونه المره هذه حبيت انقل لكم الخبر من خلال تجربتي يعني ايش الفرق بين الفيزا و الدفع عند الاستلام و كدا
بس الفتره اللي طلع فيها الخبر بصراحة مو محتاجه شي فطلبت الاشياء اللي قربت تخلص من عندي او اللي خلصت و كمان اخترت كذا منتج جديد عليا
الدفع عند الاستلام
الدفع عند الاستلام معناته لما توصلك الشحنه تعطي المبلغ للمندوب
طلبت يوم 5 ابريل و وصلتني الشحن يوم 15 ابريل يعني في 10 ايام من نيويورك لي الرياض بعد جدة لحد ما وصلتني المدينة
الفرق الوحيد في الدفع عند الاستلام اللي ما حبيته هو سعر الشحن مرتفع كيف ؟ منتجاتي كلها تقريبا 189 ريال مع سعر الشحن صارت ب 252 ريال
اول شي هذا كود خصم لموقع ايهرب
AHR5131
طريقة الطلب اكتبي في قوقل اي هرب او iherb
اذا انتي جديدة عالموقع في الصفحة فوق مكتوب تسجيل راح تدخل على هذه الصفحة
اذا جديدة اضغطي على انشاء حساب و بعدين راح تدخلي صفحة جديدة عبي بياناتك و كل شي و اضغطي اوك
اذا مسجلة من اول اكتبي بريدك او رقم جوالك و الباسوورد و اضغطي تسجيل الدخول
بعدين اختاري المنتجات اللي تبيها عادي و اضيفيها للسلة بعد ما تخلصي اضغطي على سلة المشتريات
اذا انتي راح تطلبي من الكومبيوتر او اللابتوب بعد ما تدخلي سلة المشتريات انزلي تحت راح تحصلي مربع فيه اسماء شركات الشحن
الشركة الوحيدة اللي فيها خاصية الدفع عند الاستلام هي Aramex COD
لكن Aramex COD اللي حاطة عليها دائرة بالاحمر هذه تدعم الدفع عند الاستلام لما تختاريها تلقائي تتحول للدفع عند الاستلام تمام
بعدين اضغطي تابع الدفع و راح تدخلي صفحة جديدة يكون فيها منتجاتك و عنوانك مكتوب اتأكدي انه كل شي صحيح و بعدين اتمام الطلب راح توصلك رسالة عالايميل انه تأكيد الطلب و بعد بيوم او حتى في نفس اليوم اذا مافي ضغط رسالة انه طلبك انشحن و في الرسالة رقم تتبع شحنتك
بالنسبة اذا راح تطلبي من الجوال بعد ما تختاري اضغطي سلة المشتريات في المكان اللي مكتوب فيها الاسعار في خانه مكتوب عليها الشحن اضغطي عليه راح يظهرلك مربع فيه اسماء الشركات للدفع عند الاستلام اضغطي Aramex COD وبعدين متابعة و بعده تابع الدفع و نفس طريقة اللابتوب فوق
نبدأ بالجزء الثاني من الموضوع وهي مشترياتي
في نوع من ناو ما حبيتها اللي عليها خط اخضر حسيتها ثقيله زي الفازلين و ما تتمد عالجسم بسهوله عكس هذه مع حراره الجسم سهله في الاستخدام
نصيحة بسيطة بما انه دخل الصيف بسبب الشحن الزبدة تكون سايحة زي الزيت ف انتبهي لما تفتحيها و اول ما توصلك دخليها في الثلاجة راح تجمد معك انا دايما اذا الشحنه في الصيف اخليها 3 ساعات في الثلاجة و اطلعها و بعدين احطها في الغرفة عادي ما تسيح
مسحات للحبوب مره ممتاره للحبوب هذه مسحات معالجة للحبوب و حب الشباب خالية من الكحول اخترت الحجم الكبير اللي يجي 90 قطنة ب 24 ريال في نوع فيها 55 قطنة 
مزيل عرق الترا ماكس دايما اقول بطلبه في النهاية انسى لانه طلباتي دايما كثيرة و التهي فيها بس المره هذه مشترياتي ما كانت كثيرة و تذكرته المهم عليه مدح انه ما يسمر و يفتح المنطقة ، من كلامهم ينفع للبيت بس اذا خارج البيت او راح تبذلي مجهود ما يحميك من الرائحة 100%
اخترت الحجم الصغير كتجربه اولى ب 10 ريال
هذه فيها 14 حبة ب 7 ريال
مقشر للوجه عليه مدح و تقييمه عالي في الموقع مكتوب انه يعطي نضارة و تفتيح
هو خالي من الكافيين يعني ما يمنعك من النوم خالي و الكربوهيدرات ما يزيد الوزن بس انا احط له سكر
لكل نكهه فيها ظرف داخلها 4 اكياس شاي و البعض 3 اكياس شاي
ب 12 ريال
مرطب كرميكس من المرطبات المفضلة عندي و دايما ارجع اشتريه هذا النوع الكلاسيك استخدمه قبل النوم اول ما تحطيه تحسي بلسعه النعناع ثواني و تختفي ترطيبه عميق و ينعم الشفايف و كمان يوردها ب 7 ريال
في نوع منه ستيك و في نكهات و في نوع فيه نسبه حمايه من الشمس
اممم عندي طريقة عشان تنقصي من سعر الشحن
اللي هي شراء منتجات مكتوب عليها توفير الشحن
وبس هذه كانت مدونه اليوم ادري انها طويلة بس حبيت اشرح لكم كل شي
اخر شي عندنا في السعودية قانون بالنسبه لموقع ايهرب وهو ممنوع تطلبي منه مرتين في الشهر يعني مره وحده كل شهر ان شاء الله ناويه اطلب في رمضان و راح اصورك لكم مشترياتي اذا حابين فقره مشتريات ايهرب او راح اخليه زي كل مره بيني و بين نفسي
و سلامتكم
