السلام عليكم و صباح الخير 


اليوم رح اكتب عن غسول و كريم النهار من غارنييه 


























زي ما قلت في الانستقرام انه غارنييه مطلعين لاين او مجموعة خاصة لتفتيح البشرة بخلاصة الليمون النقي 

فايدة المجموعة انها تفتح البشرة و تزيل البقع الداكنة

الغسول 



كتبت عنه في حسابي الانستقرام و كمان رح اكتبه هنا 

بالنسبة للغسول لما سألت الصيدلي قالي ماشي حاله يعني يعطي تفتيح مؤقت مع نضارة 
و يستخدم مرتين في اليوم 

وصف الغسول : هو رغوته كثيفة جدا و كميه بسيطة منه تكفي  , ريحته حمضيات و واضحة جدا و السبب اكيد انه بالليمون النقي , و يطول معك مده طويلة يعني ما يخلص بسرعه , و كمان ينظف البشرة تنظيف عميق و يزيل الدهون الزايدة 

الغسول اول مره جربته من سنتين و عجبني بس في ذاك الوقت حبيت اجرب شي ثاني , و بداية هذه السنه رجعت اشتريته مره ثانية 

رأئي فيه  : احسه مناسب للصبح بسبب انه يعطي نضارة فورية و تنوير و مع الاستمرار يوميا في اسبوعين راح تلاحظي تنوير في بشرتك , يعني حلو كغسول صباحي قبل الدوام او المدرسة 

تنظيفة عميق و راح تحسي بشرتك خالية من الدهون الزايدة
بشرتي مختلطة فكنت احس بشوية جفاف في بعض المناطق في بشرتي بس مع الترطيب ماشي حاله 

بصراحة انصح فيه اللي بشرتهم دهنية او مختلطة 
و الجافة و الحساسة ما انصحها بيه و الله اعلم 

بالنسبة للتفتيح مقدر احكم عليه , بس هو يعطي تنوير و نضارة 

متوفر في الصيدليات اظن ب 19 ريال 


كريم غارنييه لايت النهاري للتفتيح و الوقاية من البقع

بخلاصة الليمون و الجنطيان مدري ويش هالشي بس مكتوب عليه كدا😅😄

هو مرطب يومي فيه نسبة من واقي الشمس 

فايدته تفتيح و ترطيب البشرة وفي نفس الوقت يحمي البشرة من اشعه الشمس و الاسمرار 


























وصف الكريم : هو كريم خفيف غير دهني , ريحته نفس ريحة الغسول 

الكريم لا بأٍس فيه و يعطي تنوير و نضارة اذا استمريتي عليه بس في شي ما عجبني فيه , انه يعطي شويه من اللون الابيض للبشرة , احس ينفع للدوامات خصوصا اللي تحط مكياج و في نفس الوقت تتعرض لي اشعه الشمس 

يعني حطي الكريم و بعد الفاونديشن او بودرة 

بالنسبة للطالبات والله مدري خصوصا انو ممنوع الميك اب في المدارس بس تقدري تحطي منه كميه بسيطة جدا و بعده مرطبك اللي متعودة عليه 


متوفر في الصيدليات و السعر ناسية بس ما يعدي 30 ريال 

هذا حساب غارنييه اذا تبغو معلومات اكثر 👇

http://www.garnier-me.com/ar-ae


و سلامتكم❤