السلام عليكم 

اتأخرت في تنزيل اخر جزء من الاستعداد للعيد بسبب انشغالي و كمان نمت وبعده جاني خمول مو طبيعي 

اخر جزء هو عن شعري طبعا هو روتين معروف يعني مو عناية و كل الاشياء اللي استخدمها بسيطة بس تعطي لمعه و شكل صحي و ريحة حلوه 


















اول شي اغسل شعري بالشامبو استخدم شامبو لوريال الفيف للشعر الجاف مستمره عليه من 4 سنوات مهما غيرت ارجع له 

طبعا انا موقفه استخدام البلسم من سنتين 
بعد غسل شعري احط ماسك لوريال الفيف بزيت الارغان كتبت عنه قبل ارجعو للمواضيع القديمة 
انتظر خمسه دقايق و اشطفة بالمويه فقط 

لما اطلع من الحمام الله يكرمكم , و شعري شبه مبلول احط زيت لريال الفيف بالزيوت السبعة , فايدته يفك التشابك و يسهل التمشيط و كمان ريحته جيدة وما يدهن الشعر , راح اكتب عنه موضوع لوحده 
بعد وضع الزيت اخذ المشط و امشط شعري بشويش لحد ما يصير املس مافيه تشابك 


















بعدين احط خمرية او زيت عطري للمناسبات الكبيرة و الاعياد دائما استخدم شانيل او الزيت العطري من بودي شوب بالمسك الابيض 
خمرية شانيل خلصت من عندي رحت وجوه مرتين و ما حصلت اللي لونها وردي حصلت اللي لونها بيج و ما دخلت راسي 

المهم احط خمرية بودي شوب هي ما تسبب شيب عشانها خاليه من الكحول 

و بعد وضع الخمرية اخذ المشط و كمان امشط بشويش 

بعدين اقسم شعري و اخذ نقطتين من السيروم مع نقطة من زيت الارغان و اوزعه على كل قسم و بعده ابدء استشور شعري 

وفي النهاية ابدء افكر استخدم الفير او اعمل شعري ويفي و الفه المهم اخترع تسربحة بسيطة او اخليه مسشور فقط 

بالخطوات هذه شعري يكون جاهز ريحته حلوه وفيه لمعه 

بقولكم زيت الارغان ما راح يدهن الشعر ومافيه ريحة بس يهجد النفشة 

و كدا اكون خلصت من وجهي و جسمي و شعري 


و كل عام و انتو بخير ❤