ارواج من ماركة قوش

7:25 ص



مرحبا


















من شهر تقريبا جربت لي اول مره مكياج من ماركة قوش كنت اشوف بعض البلوقرز 
يكتبو عن هالماركة لحد ما الشركة راسلتني و تبغى تتعاون معي 
بصراحة وافقت بما اني احب المكياج و كمان الماركة مو معروفة عندنا ف حبيت من خلال تجربتي لها ممكن افيد بعض البنات و خصوصا هذه الماركة اسعارها مناسبة للكل تعتبر من الدرق ستور و اسعار المكياج و حتى لاين العناية مو مره مرتفعه 

طبعا اكيد شفتو البوستات اللي كتبت عن كل روج لحاله الحين حبيت اني اثبت الموضوع هنا 

اول منتجات استلمتها كانت ارواج 
بس بقول بعض الصور صورتها مو في نفس اليوم لاني مشغولة شوي ف يمكن تلاحظي اختلاف في الاضاءة او الخلفية 
خمسة ارواج في شنطة او حقيبة ميك اب جميلة مكتوب عليها شعار الماركة بالاضافة اظن رمز للارواج kiss and makeup 
اظن كلمة القبلة ترمز لثبات الارواج و هذا سبب انهم اختارو ارواج ثباتها من عالية لمتوسطة 

اول نوع من الارواج اللي هي من لاين liquid matte lips 
الارواج هذه سائلة تتحول للمات ثباتها ممتاز مع الاكل و الشرب اللون يخف شوي بس ما يتمسح 
بس هي من النوع اللي ما تجف او تنشف بسرعة لحد ما تتحول للمات يعني تقريبا دقيقتين او ثلاثة لحد ما تتحول للمات او المطفي عكس بعض الارواج اللي تاخذ ثانية و تصير مطفية لكن عموما هي ممتازة بس لازم ترطيب قبل وضعه و لما تمسحي الروج كمان رطبي شفايفك تفادي للجفاف
اللون الاول وردي ب اندر تون بارد اللون تقريبا يعتبر من درجات النيود لانه لونه وردي طبيعي ممكن ما يناسب الكل و راح يعطيك لون باهت بس تقدري تستخدمي قبله محدد شفايف لونه وردي غامق 
اسم و رقم الدرجة : candyfloss - 001
لون احمر هذه ا للون صار من الالوان الحمراء المفضلة عندي لانه مو احمر ناري او دموي لا بالعكس فيه  لمسه من اللون العودي اشوفة يناسب جميع البشرات من البيضاء لي السمرائ و كمان لاحظت ثباته اقوى من الوردي شوفو البوست اللي في حسابي الانستقرام @heba_blog
اللون بعد ما مسحته بالمنديل ما اختفى صار وردي محمر
اسم و رقم الدرجة : the red - 009


الروج اللي بعده من لاين kiss me matte lips 
الروج قوامه كريمي يتوزع بسلاسة و ما يجفف الشفايف الفينش تبعه مات او مطفي ثابته شبه ثابت مع الاكل و الشرب اللون يخف بس ما يختفي 
اللون اللي في الصورة بين العودي و الفوشي و الاحمر 
اسم و رقم الدرجة : irresistible kiss- 005


اخر شي ارواج من لاين velvet touch lipstick 
ارواج مخملية سلسة في التوزيع و نفس الشي ما تجفف الشفايف رغم انها مخملية لكن الفينيش شبه مطفي دايما الارواج المخملية تكون غير ثابته بس هذه ثباتها حلو لانها تتحول للمطفي مع الشرب و الاكل اللون يخف 
اول لون نيود بين البني و الارونج لونه مره جميل و طبيعي و اشوفه يناسب الدوام و المكياج البسيط 
اسم و رقم الدرجة :antique- 003
لونه وردي مع اندر تون بارد تقريبا لونه قريب للوردي من مجموعة الارواج السائلة 
رقم و اسم الدرجة : orchid- 022


وبس هذه كانت تجربتي الاولى لهذه الماركة قوش 
حبيت الارواج قوامها و ثباتها جميل 

مكان توفر الماركة في سنتربوينت لايف ستايل 
الاسعار الروج الواحد اقل من 100 ريال 

thank you @gosharabia



وسلامتكم 

You Might Also Like

1 التعليقات

heba world. يتم التشغيل بواسطة Blogger.