المقشر المفتح ( pfb )
3:08 صمقشر vanish pfb
مرحبا يا جميلات اليوم راح اكتب عن اكثر مقشر مفتح صار عليه ضجة كبيرة من ذم و مدح و استغربت انه الذم صار عليه بعد ما انشهر هنا لكن لما كان منتج امريكي ما حد ذمه لحد
و بصراحة في البداية ترددت اكتب عنه و قلت احتفظ فيه بنفسي لانه في نوعية اقدر اقول يحبو الجدل او يكذبوني ، ف انا دايما بعض المنتجات اللي استفيد منها و احس انها راح تسبب جدل ما اكتب عنها و احتفظ بتجربتي لنفسي لكن المقشر هذا لاني من مده صور ع تسريحتي ايلاينر قوش و طرف المقشر كان واضح في الصوره و من يومها البنات يطلبو مني اكتب عنه و دايما اقول ابشري و بعدين بيني و بين نفسي اتراجع و لسه توصلني رسايل بخصوصه ف اتكلت و قلت اكتب عنه
و بصراحة في البداية ترددت اكتب عنه و قلت احتفظ فيه بنفسي لانه في نوعية اقدر اقول يحبو الجدل او يكذبوني ، ف انا دايما بعض المنتجات اللي استفيد منها و احس انها راح تسبب جدل ما اكتب عنها و احتفظ بتجربتي لنفسي لكن المقشر هذا لاني من مده صور ع تسريحتي ايلاينر قوش و طرف المقشر كان واضح في الصوره و من يومها البنات يطلبو مني اكتب عنه و دايما اقول ابشري و بعدين بيني و بين نفسي اتراجع و لسه توصلني رسايل بخصوصه ف اتكلت و قلت اكتب عنه
المهم انا قررت استخدمه و قلت ما عليا من فلان و علان و التهويل اللي يسوونه كل وحده مسؤولة عن نفسها و انا قررت اجربه
و المقشر عندي من شهور و قلت ما اجيب سيرته او حتى احكم عليه لحد ما اشوف نتيجة او على الاقل انتظر شهرين
اول شي المنتج هذا احسه مقرود هههه تعبني في التصوير ما عرفت اضبط الصور و الكتابه اللي عليه كل مره ما تكون واضحة رغم اني غيرت عدسات الكاميرا في كل مره بس ما ضبط معي حتى مع الفوتوشوب في النهاية استسلمت و قلت انزل الصور مهما كان شكلها صحيح مو راضية عن الصور بس سويت اللي اقدر عليه
المنتج هو / سيروم التقشير الامريكي فايدته يقشر ويفتح و يقلل من نمو الشعر و يعالج مشكله الشعر تحت الجلد اللي هي النقط السوداء في الساق او اي مكان اخر ، و يعالج البقع الداكنه
من مكوناته / حمض اللاكتيك ( حمض اللبن ) حمض السالساليك ، مضادات اكسده ، حمض جليكوليد اسيد كل هذه الاحماض تدخل في تقشير الجلد و تفتيحة و في نفس الوقت تمنع من ظهور الحبوب و تعالج التهيج .... طبعا فيه مكونات ثانية بس اللي كتبتها تعتبر الاهم
المنتج هو سائل ريحته قريبه للمعقم و يجي على شكل رول ، و مكتوب يستخدم للوجه و الرقبة و الاندر ارم ( الابطين ) ، منطقة البكيني ، و الساق و اليدين و المناطق الخشنة زي الركب و الاكواع و المفاصل
يستخدم يوميا او اذا عندك اسمرار واضح يستخدم مرتين في اليوم
طريقة الاستخدام الصحية ( طبعا اكيد سمعتو عن الذم انه يسمر و لكن لما تقرؤ الكومنت و تشوفي اللي مدحت المنتج و انه فتح لها المنطقة و تقولك انه الترطيب اهم شي ، وفعلا كلامها صحيح )
طيب كيف طريقة الاستخدام / اول شي الجلد يكون نظيف و جاف يوضع على المنطقة اللي تبيها و انتظري لين يجف و بعدين رطبي ب اي مرطب طبي زي كيوفي او سيتافيل او بيبانثين الازرق و اليوم رطبي اكثر من مره
الترطيب مهم جدا ابدا لا تهملي هالشي لانه المنتج يقشر الجلد ف تخيلي جلدك يتقشر من غير ترطيب اكيد المكان راح يقلب اسود و اهم شي المرطب ما يكون فيه عطور او كحول
نجي لتجربتي الشخصية زي ما قلت في البداية انه المنتج عندي من شهور و ما حبيت اجيب سيرته ابدا لحد ما استخدمه مده كافية
و حتى بعد ما استلمته ما استخدمته في نفس الوقت استمريت اسوي بحث و بصراحة ما وثقت بالذم او السب اللي في الانستقرام لانه المنتج هذا من المنتجات الامريكية المعروفة و معظمهم يستخدمونه للنقط السوداء اللي في الجلد ، و بصراحة حتى اللي ما مدحت هالمنتج يقولو فقط انه جفف لهم المنطقة او ما شافو منه نتيجة
سبب استخدامي / مزيل العرق اللي متعودة عليه ما حصلته في الصيدلية ف اشتريت واحد هو طبي و عليه مدح بس ما ناسبني سمرني تسمير بسيط مع حبوب صغيره مؤلمه
لما شفت انه رول قلت يمكن هو يمنع رائحة العرق زي المزيل و بصراحة هذا اللي صار كأنه مزيل طبعا في البيت فقط و الوقت كان شتاء يعني ما اتعرق كثير بس لما اكون خارج البيت احط مزيل فيشي الابيض
تجربتي للمنتج / طريقة استخدامي نفس اللي كتبتها فوق ، قبل النوم احط منه و انتظر لين يجف و ارطب بكريم بيبانثين الازرق لانه منطقة الابطين قابله للتعرق ف ما تحتاجي مرطب دهني و لما اصحى اغسله و احطه زي المزيل و ارطب اكثر من مره في اليوم
التقشير بدأ خامس يوم تقريبا لاحظته وقت الشاور عالليفة و كمان لما اطلع منه الشاور و امسح المكان بالمنديل الاحظ الجلد المتقشر ، بعد اسبوعين اللون بدأ يخف بشكل واضح و الحبوب المؤلمه اختفت
طبعا القشور مو الشكل اللي يخوف لا هي تقريبا تشبه زي الجلد الرقيق جدا و تقريبا شكله دائري
بعد شهر المنطقة لونها صار افضل من قبل ، و ترا مكتوب انه النتيجة من 3 اسابيع لشهرين
يعني تجربتي ناجحة للمنتج يمكن انا من البنات اللي ناسبهم المنتج اوبسبب طريقة استخدامي الصحيحة له
و اكرر الترطيب مره مهم بمرطب طبي
بالنسبه لباقي المناطق بصرلحة ما اقدر اساعدك و اقوله انه واو او ممتاز لهذه المناطق لاني ما جربته على هالمناطق بس شوفي حسابات البلوقرز يمكن كاتبين تجاربهم لهذه المناطق
مكان الشراء / موقع امازون ، سوق كوم ، نايس ون ، بنات المدينة متوفر في بوتيك قمر المحل في شارع سلطانه نفس المبني اللي فيه اجمل للعطور ، كمان شفته في عطار المرواني بس مدري اذا اللي عندهم اصلي ولا لا
سعره 110 بس اكيد في الاماكن اللي كتبتها سعره اغلى منه
3 التعليقات
يعطيج العافيه بس استفسار يعني اخلي المنتج هذا وانتضره يجف وتالي اخلي عليه المرطب لو الصبح لمه اغسل المنتج اخلي المرطب
ردحذفكانت تجربتي مع مقشر فانيش اكثر من رائعة فقد ساعدني في تبييض البشرة وعلاج الكلف
ردحذفكيف طريقة استخدامك !
حذف