اهلا رجعت للمدونة ببوست لطيف و تجربتي مع ماركة مكياج بحرينية اسمها ماد 

من اسبوعين تقريبا نزلت في ستوري الانستا عن الموقع الالكتروني لهذه الماركة و واضح كثير من المشاهير اعلنو عنها او لهم تعاون مع الماركة اكتبي في الانستقرام مكان البحث Mad cosmetics و شوفي حسابهم و في نفس البايو تبعهم عندهم رابط الموقع الالكتروني اضغطي عليه و شوفي منتجاتهم و الاسعار شخصيا اشوفها مناسبة و الموقع يشحن دولي و كمان متوفره في بعض المحلات خصوصا في البحرين و في السعودية في بعض فروع باريس غاليري , شحنتي وصلت تقريبا في اربعة او خمسه ايام ناسية بالضبط 

مرحبا رمضان كريم 

تدوينة  اليوم عن منتجات وصلتني من بنكي قوت من شهرين تقريبا وفي نفس اليوم نزلته في حسابي الانستا و من اول مجهزة الصور عشان انزلها هنا بس انشغلت و كمان كنت مكسلة شوي بس اليوم قلت ما عندي اشغال فحبيت انزل المدونة واشرح كل منتج وصلني طبعا الصور اللي راح تشوفوها كانت قبل الاستخدام اول ما وصلتني 

      اول شي باكيج جميل فيه منتجات للحواجب بالاضافة ارسلو رموش و غراء للرموش 

            بطاقة لطيفة من بنكي قوت 

اول شي ابدء بالرموش طبعا رموش بنكي قوت مره جميلة و استخدمها من زمان شكلها طبيعي و الشعر نفسه مافيه لمعه يعني يعطيك لوك طبيعي كأنها رموشك و عندهم انواع او قصات كثيره يعني في اللوك الدرامي او تبع المناسبات الكبيرة و في اللوك اللي يعطي جمال طبيعي لمكياجك البسيط 

ارسلو نوعين 

اول نوع اسمه LULU

    هذا النوع من شهرين نزل شكله مره جميل ينفع للمناسبات من النوع اللي الشعيرات في البداية تكون قصيرة و كل ما اتجهت لنهاية الرموش الطول زاد